我喺維基百科個名叫粵人非漢人，喺好多領域都有業餘興趣，好鬼好奇，中意周圍睇下，見到好奇怪嘅條目就想落力改正佢，本身學物理，家下掂嘅係電機、電力電子，文史純屬個人興趣，可以算係「民間歷史愛好者」、「民間文化愛好者」之一。
我住喺中國嘅嶺南地區，1980年出世，男，結咗婚，無細路。粵族人士，即係俗稱嘅廣府人，喺個零月前申請維基帳號。
我覺得喺維基百科上睇嘢，寫嘢好盞鬼，但係我發覺好多文史上嘅資料有錯，尤其是關於廣府人百越人之類嘅歷史都有問題，俾一啲疑似有大漢族主義傾向嘅用戶（俗稱皇漢，當中部分會扮其他民族而等群眾遷怒其他民族）壟斷編寫，加入咗一啲以大漢族史觀出發嘅元素，令條目變成佢哋嘅宣傳品。但其實同樣歷史事件如果用番百越人或者廣府人角度出發，會有完全唔同嘅論述，但壟斷者成日特登忽略呢啲角度嚟達成佢哋嘅效果。所以本人認為作為一個粵族人，有必要打破呢班漢族人嘅壟斷，因此開呢個帳號。
除咗文史之外，本人另一興趣係電影同電視劇，本人會幫手編輯一啲咸豐年代電影同電視劇嘅條目，等大家知道某某演員做過咩戲，又或者喺佢出道前已經客串過某啲角色之類。
愚蠢，係唔分黃藍嘅，大話，亦都無分黑白。
2020年美國總統大選，同2022年英國首相府Party Gate事件證明，「監管之人誰來監管」(我唔識得好似某A字頭user懶型用拉丁文)，喺偉大光榮正確嘅最大民主自由社會入面，都係一個笑話。